2016 jylǵy 31 naýryz, Astana qalasy
Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda aýystyrý jáne qaıta qabyldaý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1-babynyń 12) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda (budan ári – Akademııa) aýystyrý jáne qaıta qabyldaý qaǵıdalary bekitilsin.
2. Akademııanyń Rektory U.S.Baıjanov:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ádilet mınıstrliginde alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
4) osy buıryqty Qazaqstan Respýblıkasy Bas prokýratýrasynyń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń birinshi orynbasary I.D.Merkelge júktelsin.
4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bas Prokýrory A.DAÝYLBAEV
Qazaqstan Respýblıkasy Bas Prokýrorynyń 2016 jylǵy 31 naýryzdaǵy №59 buıryǵymen bekitilgen
Qazaqstan Respýblıkasy Bas prokýratýrasynyń janyndaǵy Quqyq qorǵaý organdary
akademııasynda aýystyrý jáne qaıta qabyldaý qaǵıdalary
1. Jalpy erejeler
1. Osy Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda aýystyrý jáne qaıta qabyldaý qaǵıdalary (budan ári – Qaǵıdalar) «Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-1-baby 12) tarmaqshasyna sáıkes ázirlengen.
2. Qaǵıdalar Qazaqstan Respýblıkasy Bas prokýratýrasynyń janyndaǵy Quqyq qorǵaý organdary akademııasynda (budan ári – Akademııa) aýystyrý jáne qaıta qabyldaý tártibin anyqtaıdy.
3. Bilim alýshylardy aýystyrý kýrstan kýrsqa, Akademııadan basqa joǵary oqý oryndaryna (budan ári – JOO), basqa JOO-dan Akademııaǵa, Akademııada bir mamandyqtan ekinshi mamandyqqa júzege asyrylady.
4. Aýystyrý jáne qaıta qabyldaýdyń mindetti talaby bolyp aldyńǵy akademııalyq kezeńniń jumys oqý josparynyń barlyq talaptarynyń oryndalýy jáne aralyq attestaýdy tapsyrý tabylady.
5. Bilim alýshylardy kýrstan-kýrsqa aýystyrý oqý jylynyń qorytyndysy boıynsha (aralyq attestattaý) úlgeriminiń ortasha baly Akademııanyń Ǵylymı keńesimen aǵymdaǵy oqý jylyna belgilengen (GPA) aýysý balynan kem emes jáne jazǵy semestr nátıjelerin eskere otyryp júzege asyrylady.
6. Bilim alýshylardy Akademııadan basqa JOO-na aýystyrý, qabyldaýshy bilim berý uıymynyń talaptaryna sáıkes júzege asyrylady.
7. Akademııada qaıta qabyldaý Akademııada buryn bilim alǵan, sondaı-aq basqa JOO-da bilim alǵan tulǵalar qatarynan júzege asyrylady.
Akademııadan nemese basqa JOO-dan tómen úlgerimi nemese teris sebepter boıynsha buryn oqýdan shyǵarylǵan tulǵalar Akademııaǵa qaıta qabyldaýǵa jatpaıdy.
8. Akademııaǵa sheteldik bilim berý uıymynan aýystyrý nemese qaıta qabyldaý kezinde, meńgerilgen oqý baǵdarlamalary týraly qujat (akademııalyq anyqtama nemese transkrıpt), sondaı-aq Bilim týraly qujattardy taný jáne nostrıfıkasııalaý qaǵıdalaryn bekitý týraly Qazaqstan Respýblıkasy Bilim jáne ǵylym mınıstriniń 2008 jylǵy 10 qańtardaǵy № 8 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 5135 bolyp tirkelgen), Qazaqstan Respýblıkasynda nostrıfıkasııalaý rásiminen ótýi tıis bilim berýdiń aldyńǵy deńgeıin aıaqtaǵany týraly qujat usynylady.
9. Akademııaǵa aýystyrý jáne qaıta qabyldaý tıisti kýrsta bos oryn bolǵan jaǵdaıda júzege asyrylady.
10. Aýystyrý jáne qaıta qabyldaý týraly suraq Akademııa rektorymen kezekti akademııalyq kezeńniń bastalýyna deıin, kúntizbelik bes kún aralyǵynda jazǵy jáne qysqy demalys kezeńinde qaralady.
11. Aýystyrý jáne qaıta qabyldaý kezinde bilim alýshynyń jáne/nemese bilim alýǵa kandıdattyń aldyńǵy akademııalyq kezeńde oqyǵan jumys oqý josparlary pánderindegi akademııalyq aıyrmashylyqtary anyqtalady.
Oqý pánderi boıynsha aıyrmashylyqty anyqtaǵan kezde qorytyndy baqylaý nysanyndaǵy aıyrmashylyq eskerilmeıdi.
12. Bir bos orynǵa aýystyrý nemese qaıta qabyldaýǵa birneshe kandıdat bolǵan jaǵdaıda, artyqshylyq úlgeriminiń ortasha baly (GPA) eń joǵary bolǵan tulǵada bolady.
13. Jumys oqý josparlarynyń pánderi boıynsha akademııalyq aıyrmashylyqty Akademııa transkrıptte nemese nysany Qazaqstan Respýblıkasy Bilim jáne ǵylym mınıstriniń 2009 jylǵy 12 maýsymdaǵy № 289 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 5717 bolyp tirkelgen) bilim alýdy aıaqtamaǵan adamdarǵa beriletin anyqtamada kórsetilgen zerdelengen pánderiniń tizbesi, olardyń baǵdarlamalary jáne akademııalyq saǵat nemese kredıtpen kórsetilgen kólemi negizinde aıqyndaıdy.
14. Jumys oqý josparlary pánderindegi akademııalyq aıyrmashylyqty joıý bilim alýshymen Akademııanyń oqý-ádistemelik bólimshesimen ázirlenetin jáne Akademııanyń jetekshilik etetin prorektorymen bekitilgen jeke keste boıynsha júzege asyrylady.
Bilim alýshy aǵymdaǵy akademııalyq kezeńde baqylaýdyń barlyq túrlerin tapsyrady jáne qorytyndy baqylaýǵa ruqsat alady.
15. Pán boıynsha akademııalyq aıyrmashylyqty joıý kezinde bilim alýshy qanaǵattanarlyqsyz degen baǵa alǵan jaǵdaıda qaıta tapsyrýǵa jol berilmeıdi jáne Akademııadan akademııalyq úlgermegeni úshin oqýdan shyǵarylýǵa jatady.
16. Akademıda bos qabyldaý oryndary týraly aqparat Akademııanyń ınternet-resýrstarynda jarııalanady.
2. Aýystyrý tártibi
17. Akademııaǵa basqa JOO-nan aýystyrý kezinde bilim alýshy Akademııa rektorynyń atyna ol bilim alǵan JOO-nyń oqý isi jónindegi prorektor jáne ofıs-tirkeýshi qol qoıǵan transkrıpttiń, JOO-nyń basshysynyń atyna aýystyrý týraly jazylǵan ótinishtiń (basshynyń qoly qoıylyp, mór basylǵan) kóshirmesin qosa usynyp erkin jazbasha nysanda aýystyrý týraly baıanat jazady.
18. Akademııanyń oqý-ádistemelik bólimshesi kúntizbelik úsh kún aralyǵynda usynylǵan transkrıpt kóshirmesiniń negizinde jumys oqý josparlaryndaǵy pánderdiń akademııalyq aıyrmashylyǵyn jáne meńgerilgen prerekvezıtterge sáıkes oqý kýrsyn belgileıdi, bilim berý baǵdarlamasyna sáıkes meńgerilgen kredıtterdi qaıta esepteıdi.
19. Akademııaǵa aýystyrý tártibi boıynsha oqýǵa qabyldaý Akademııanyń jetekshilik etetin prorektorymen, joǵary oqý ornynan keıingi bilim berý ınstıtýty (budan ári – JOKBI) dırektorymen jáne oqý-ádistemelik bólimshe bastyǵymen aldyn ala kelisilgennen keıin Akademııa rektorynyń buıryǵymen resimdeledi.
20. Qabyldaý týraly buıryq shyqqannan keıin úsh jumys kún ishinde onyń kóshirmesi bilim alýshynyń buryn oqyǵan JOO-na jiberiledi.
21. Akademııada bilim alýshyny bir mamandyqtan ekinshi mamandyqqa aýystyrý, Akademııaǵa basqa JOO-nan aýystyrý tártibine uqsas júzege asyrylady.
Akademııada bir mamandyqtan ekinshi mamandyqqa aýystyrý týraly ótinish bolǵanda, basqa JOO-nyń atyna jazylǵan ótinishtiń bolýy talap etilmeıdi.
3. Qaıta qabyldaý tártibi
22. Bilim alýǵa kandıdat Akademııada bilim alýshylar qataryna qaıta qabyldaný úshin akademııalyq anyqtama (transkrıpt) kóshirmesin qosa usynyp, erkin jazbasha nysanda qaıta qabyldaý týraly baıanat jazady.
23. Akademııanyń oqý-ádistemelik bólimshesi kúntizbelik úsh kún aralyǵynda usynylǵan anyqtama (transkrıpt) kóshirmesiniń negizinde jumys oqý josparlaryndaǵy pánderdiń akademııalyq aıyrmashylyǵyn jáne meńgerilgen prerekvezıtterge sáıkes oqý kýrsyn belgileıdi, bilim berý baǵdarlamasyna sáıkes meńgerilgen kredıtterdi qaıta esepteıdi.
24. Akademııaǵa qaıta qabyldaý tártibi boıynsha oqýǵa qabyldaý Akademııanyń jetekshilik etetin prorektorymen, JOKBI dırektorymen, oqý-ádistemelik bólimshe bastyǵymen aldyn ala kelisilgen keıin Akademııa rektorynyń buıryǵymen resimdeledi.
Buıryq Qazaqstan Respýblıkasynyń Ádilet mınıstrliginde 2016 jylǵy 29 sáýirde Normatıvtik quqyqtyq kesimderdi memlekettik tirkeýdiń tizilimine №13656 bolyp engizildi.